E-Fwletin Costau Byw Ceredigion Cymorth i Bobl Anabl

1. Cefnogaeth i blant anabl ag plant ac anghenion ychwanegol

2. Rhestr o Gymorth i Ofalwyr a gyda Chostau Byw 2024

3. Cymorth Cyflogadwyedd

4. Offer ac addasiadau anabledd

5. Golwg yn Wael / Colli eich Clyw

6. Y Cynllun Waled Oren

7. AskSARA

8. Bathodynnau Glas

9. Cymorth i bobl ag arthritis

10. Cyfraddau Budd-dal

Cefnogaeth i blant anabl ag plant ac anghenion ychwanegol

Cynllun Cyfeirio

Mae Cynllun Cyfeirio yn cefnogi plant 2-4 oed gydag anabledd a / neu anghenion ychwanegol i gymryd rhan mewn chwarae addysgol a chyfleoedd dysgu yn ystod y tymor mewn lleoliadau cofrestredig cyn-ysgol.

Gwneir atgyfeiriadau gan weithwyr proffesiynol, rhieni neu staff lleoliadau cyn-ysgol i Banel aml asiantaeth i'w gymeradwyo.

Ariennir y cynllun gan Grant Plant a Chymunedau Llywodraeth Cymru a chyllid Cyngor Sir Ceredigion, a'i rheolir gan Fudiad Meithrin.

YMUNO

Mae Cynllun YMUNO yn cefnogi plant 3-14 oed gydag anghenion ychwanegol (hyd at 18 oed os yw’n anabl) sydd angen cymorth ychwanegol i fynychu gofal plant cofrestredig gan gynnwys clwb ar ôl ysgol, cynllun chwarae gwyliau a darpariaeth chwarae agored, er mwyn darparu cyfleoedd chwarae cynhwysol a gofal plant yn unol â Deddf Cydraddoldeb 2010.

Ariennir y cynllun gan Gyngor Sir Ceredigion a'i reoli’r gan DASH Ceredigion.

Gall rhieni ofyn am fanylion yn eu clwb ar ôl ysgol leol neu glwb gwyliau neu sesiwn chwarae mynediad agored.

Gofal Plant Di-dreth

Gyda Gofal Plant Di-dreth (dolen i wefan Saesneg) gallwch gael hyd at £500 bob 3 mis (hyd at £2,000 y flwyddyn) ar gyfer pob un o'ch plant i helpu gyda chostau gofal plant. Mae hyn yn codi i £1,000 bob 3 mis os yw plentyn yn anabl (hyd at £4,000 y flwyddyn).

Rhestr o Gymorth i Ofalwyr a gydag Argyfwng Costau Byw 2024

Mae Fforwm Cymru Gyfan wedi creu'r rhestr hon (dolen i wefan Saesneg yn unig) o sefydliadau ac awdurdodau sy'n darparu cyngor, grantiau a chyllid posibl i gefnogi pobl yn ystod yr argyfwng costau byw. O dan hynny, gallwch ddod o hyd i restr o wasanaethau lleol i gefnogi gofalwyr ochr yn ochr â gwasanaethau a hybiau'r awdurdodau lleol.

Cymorth Cyflogadwyedd

Tîm Cymorth Cyflogadwyedd

Rydym yn cefnogi trigolion Ceredigion nad ydynt mewn cyflogaeth, addysg na hyfforddiant gyda chymorth mentora cyflogadwyedd 1:1, uwch sgilio, hyfforddiant, mewn cymorth gwaith a llawer mwy. Rydym yn gweithio gydag ystod eang o unigolion gan gynnwys y rhai sydd â chyflwr iechyd cyfyngedig yn y gwaith, gofalwyr, menywod (a rhieni unigol), cymunedau ethnig amrywiol a llawer mwy.

Cysylltwch â ni heddiw ar tcc-est@ceredigion.gov.uk neu dewch o hyd i ni ar Facebook-Cymorth Gwaith Ceredigion Cymorth Gwaith ac Instagram: @cymorthgwaithceredworksupport i gael gwybod mwy.

Mynediad i Waith DWP

Cefnogir pob Canolfan Waith gan Gynghorydd Cyflogaeth Anabledd sydd wedi'i hyfforddi'n arbennig. Maent ar gael i Hyfforddwyr Gwaith ofyn am gyngor ar ddarparu cymorth ar gyfer achosion penodol. Maent yn cynnig cefnogaeth a chyngor i bobl ag anableddau a'u teuluoedd. Yn benodol, maent yn helpu pobl anabl i gael mynediad at adnoddau a gwasanaethau sy'n gysylltiedig â swydd.

Mynediad i Waith DWP: gallwch wneud cais am:

·Grant i helpu i dalu am gymorth ymarferol gyda'ch gwaith

·Cefnogaeth i reoli eich iechyd meddwl yn y gwaith

·Arian i dalu am gymorth cyfathrebu mewn cyfweliadau swydd

Offer ac addasiadau anabledd

Care and Repair

Mae Care & Repair Cymru yn elusen sy'n gweithio i sicrhau bod pobl anabl yn gallu byw'n annibynnol mewn cartrefi diogel, cynnes a hygyrch. Maent yn cynnig asesiadau cartref, atgyweiriadau cartref, diogelwch yn y cartref, cynhesrwydd cartref a chymorth anabledd a llawer mwy o wasanaethau. Cysylltwch â Gofal a Thrwsio Gorllewin Cymru ar: 01437 766717 neu hello@wwcr.co.uk

Grant Cyfleusterau i'r Anabl

Mae Grant Cyfleusterau i'r Anabl i bobl anabl i dalu am offer ac addasiadau anabledd er mwyn galluogi pobl i gynnal eu hannibyniaeth yn eu cartref.

Galluogi Gofal drwy Dechnoleg

Galluogi Gofal drwy dechnoleg yw’r defnydd a wneir o dechnoleg er mwyn darparu gwasanaethau iechyd a gofal i bobl yn eu cartrefi eu hun, gan gynorthwyo pobl i fyw’n annibynnol ac yn ddiogel. Enghraifft o hyn yw cael ‘lifeline’ sef botwm y gellir ei wasgu i alw am gymorth caiff ei wisgo fel pendant.

Golwg yn Wael/ Colli eich Clyw

Yng Ngheredigion, mae ystod eang o wasanaethau ar gael i helpu pobl sydd â nam synhwyraidd i fod mor annibynnol ag y bo modd a rheoli eu bywydau eu hunain gymaint ag y bo modd.

Nam synhwyraidd yw’r term a ddefnyddir i ddisgrifio anableddau fel:

Dallineb/Nam ar y golwg

Byddardod/Colli eich clyw

Dallineb byddar (Colled golwg a chlyw)

Y Cynllun Waled Oren

Mae’r Cynllun Waled Oren yn brosiect ar y cyd wedi’i ariannu gan Lywodraeth Cymru fel rhan o strategaeth Anhwylderau Sbectrwm Awtistig Cymru Gyfan.

Os gallai’r Waled Oren eich cefnogi chi wrth deithio gyda ni, cysylltwch â ni gyda’ch cyfeiriad llawn ac fe anfonwn ni waled atoch chi:

Dros y ffôn: ffoniwch ni ar 03333 211 202

Ffurflen ar-lein: cliciwch yma

Wyneb yn wyneb: mae'r waledi hyn ar gael mewn rhai llyfrgelloedd - i gael manylion ewch i wefan Anhwylderau Sbectrwm Awtistig Cymru

AskSARA

Mae AskSARA yn ganllaw hunangymorth arobryn ar-lein sy'n darparu cyngor a gwybodaeth arbenigol ar gynhyrchion ac offer ar gyfer pobl hŷn ac anabl.

Mae AskSARA yn hawdd ei ddefnyddio. Yn syml:

1. Dewiswch pa bwnc yr hoffech chi ei helpu a'i gefnogi
   
2. Atebwch rai cwestiynau amdanoch chi'ch hun a'ch amgylchedd
   

Bydd AskSARA yn cynhyrchu adroddiad personol am ddim sy'n darparu:

Cyngor clir, wedi'i deilwra gan arbenigwyr ar ffyrdd o helpu gyda gweithgareddau dyddiol ac aros yn annibynnol yn eich cartref

Rhestr ddiduedd o gynhyrchion ac offer, sy'n benodol i'ch anghenion, gyda gwybodaeth am ble i'w cael

Cymorth a chysylltiadau pellach am fwy o wybodaeth

Opsiwn i arbed eich adroddiad a'i rannu gyda theulu, ffrindiau a gweithwyr gofal.

Bathodyn Glas

Cefnogaeth i bobl ag arthritis

Gall byw gydag arthritis arwain at gostau ychwanegol, ac rydym yn gwybod bod yr argyfwng costau byw yn anoddach i lawer o bobl.

Gallwn gynnig help a chyngor i'r rhai sydd ag arthritis a chyflyrau cyhyrysgerbydol.

Cyfraddau Budd-daliadau

Gweler cyfraddau budd-dal a phensiynau (dolen i wefan Saesneg yn unig) wedi'u diweddaru 2024 i 2025.